من أنا ؟؟
من أنا ؟؟
اسمي كوثر ( اكيد تعرفون اسمي لانها اساسا اسم المدونة بس كذا لازم عشان النبذة تصير طبيعية 😂😂👽 ) ، أنا لست كاتبة و لا اعرف اساسيات الكتابة عشان كذا رجاءا تجاهلوا الاخطاء الكتابية ، و اهم شي اني مبتدئة بعالم البلوقر و المدونات فاكيد راح اواجه بعض المشاكل ، ممكن اتكلم نص عربي فصحى و نص عامي لأن هذا اسلوبي بالكتابة 😄 ، و أحب استخدم الايموجي كثير ( ما ادري ليش ذكرت ذي المعلومة بس حسيت لازم اذكرها 👀 ) ف الله يعينكم اذا جهازكم اندرويد 😂 ، و الحين راح اذكر بعض المعلومات عني و اهتماماتي و شخصيتي و الاشياء الي احبها و ممكن بيوم من الايام اتكلم عنها في المدونة بما اني اكتب عن كل شي احبه 🤓 .
▪️ شخصيتي :
ما اعرف اوصف نفسي لان عندي مشاكل بالتعبير ف راح احط بعض نتائج الاختبارات الي ممكن تدل على شخصيتي
mbti test : infj
اختبار الانياجرام : هذا الاختبار ما اعرف عنه كثير بس نتيجتي كانت النمط الخامس الي هو الباحث 5w4
👩🏻💻 تخصصي الجامعي : الرئيسي علم بحار 🌊 و المساند علم حيوان 🐻
▪️ اهتماماتي :
اهتم بالمواضيع العقائدية ☪︎ ، و العلمية 🥼⚛️ 🐋 ، و على الرغم من اني علمية الا ان بعض التخصصات الادبية تناسبني و احبها مثل التاريخ 🏛 و الجغرافيا 🗺 و تقريبا الفلسفة .
▪️ اشياء احبها :
أحب الفانتازيا 🧝🏻♂️🧚♂️ و العالم السحري لهاري بوتر 🧙🏻♂️ و الروايات البوليسية 🕵🏻♂️ ، أحب الليل و الظلام 🦉🌕 و الشتاء ⛄️💜 ، و السفر ✈️ ( لا تقولون منو ما يحب السفر لان قابلت اشخاص ما يحبون السفر ما ادري كيف 😂🤷🏻♀️ ) ، و أحب الحيوانات و الطبيعة 🌲🌍 ، و المغامرات الخطرة و الرحلات الميدانية 🏕 ، و طبعا قائمة الاشياء الي احبها ما تنتهي بس اخيرا أحب آلاسكا 😭❤️.
🇰🇼 أنا من الكويت
👶🏻 تاريخ ميلادي : Feb 19 , 2000
تعليقات
إرسال تعليق